Dizkarteng Noypi: 10 Dahilan Bakit Di Ka Pa Rin Yumayaman Hanggang Ngayon

Mabuhay! =)

Gusto mo bang yumaman ka-Noypi? Basahin mo ‘to!

Halos lahat naman ng tao ay gustong yumaman. Naghahangad ng magandang buhay hindi lang para sa ating sarili kundi pati na rin sa ating mga minamahal.

Ang pagiging mayaman ay iba’t-iba ang kahulugan sa bawat tao ngunit sa aking sariling opinyon, ang tunay na mayaman ay yaong mga taong may tinatawag na “Time & Financial Freedom”.

Yun bang nagagawa mo na ang mga bagay na gusto mong gawin, napupuntahan mo na ang mga lugar na gusto mong puntahan, nakakain mo na mga pagkain na gusto mong kainin at higit na pinaka-mahalaga sa lahat ay marami ka ng oras para sa iyong pamilya at mga mahal sa buhay.

Madalas, alam naman natin kung paano yumaman, ngunit bakit hindi pa rin tayo yumayaman?

Ano nga ba yung mga bagay na pumipigil sa ating pag-asenso sa buhay?

Narito ang 10 dahilan bakit di ka pa rin yumayaman hanggang ngayon:

1. Mali ang paniniwala mo tungkol sa pera at sa mayayaman

Kung mahilig kang manood ng teleserye sa TV, iwasan(o bawasan) mo na ka-Noypi!

Isa sa dahilan na pumipigil sa pagyaman mo ay ang maling paniniwala mo na ang mayayaman ay masasama gaya ng napapanood mo sa mga teleserye.

Tandaan mo, ang pera at ang pagkakaroon nito ay hindi masama. Nagiging masama lamang ito kung nakuha mo o ginamit mo ito sa masama. Ngunit kung nakuha at gagamitin mo ito sa mabuti, hindi ba’t magiging mabuti din ang dulot nito?

2. Patuloy mo pa ring ginagawa ang mga dati mong ginagawa

Kung patuloy mo pa ring ginagawa ang mga bagay na hindi naman magpapayaman sayo, hindi ka pa rin makakausad sa kinalalagyan mo ngayon ka-Noypi.

Kung gusto mo ng pagbabago, gumawa ka ng bago! Mga bagong bagay na magpapabago sa estado ng iyong buhay-pinansyal.

Kumilos ka at gumawa ng mga hakbang na maglalapit sayo sa mga pangarap mo.

3. Wala kang malinaw na plano o mga goals sa buhay

Isa rin sa dahilan kung bakit di ka yumayaman ay ang kawalan ng pagpa-plano sa iyong buhay lalo na sa aspetong-pinansyal.

Kung wala kang mapa sa lugar na pupuntahan mo, malamang ay maliligaw ka lang ka-Noypi!

Mahalaga ang pagkakaroon ng malinaw na mga plano o mga goals sa buhay dahil ito ang magbibigay sayo ng malinaw na direksyon sa kinabukasan na nais mong tahakin.

4. Hindi ka nakikihalubilo sa mga mayayaman at successful na tao

Gusto mong yumaman? Makihalubilo ka sa mayaman!

Kung gusto mong matutong magluto, kanino ka lalapit? ‘di ba dun sa mga taong marunong magluto!

Kung gusto mong matutong mag-sayaw, kanino ka lalapit? ‘di ba dun sa mga taong marunong magsayaw!

Kaya kung gusto mong yumaman, lumapit ka sa mayayaman at mga successful na tao para magpaturo at alamin kung paano sila yumaman!

5. Gusto mo ng madaliang pagyaman

Kaya ka hindi yumayaman ay dahil nagmamadali kang yumaman!

Kaya naman, nabiktima ka ng mga nagkalat na “scam” at mga taong ganid at manloloko. Resulta lamang ito ng pagmamadali nating yumaman at kakulangan sa kaalamang-pinansyal.

Ang pagyaman ay hindi madalian, ito ay pinaghihirapan at pinagsusumikapan. Higit sa lahat, kung gusto mong yumaman, hasain ang iyong kaalaman!

Mag-aral tungkol sa pera at tamang paghawak nito. Alamin kung paano ito mapapalago sa legal at tamang paraan.

6. Marami kang palusot at reklamo kaysa aksyon

“Kaya ako mahirap dahil kurakot ang mga politiko na yan!”

“Wala akong pera pang-invest, marami pa akong pinapaaral eh!”

“Hindi ko kayang magnegosyo, hindi ko linya ‘yan!”

Imbes na magpalusot at magreklamo, gumawa ka ng aksyon ka-Noypi!

Ikaw ang s’yang may kontrol ng buhay mo. Huwag mong isisi sa gobyerno ang kahirapan mo. Walang yumayaman sa kakareklamo!

At huwag ka na ring maraming palusot kung bakit hanggang ngayon nariyan ka pa rin sa sitwasyon mo. Kung gusto mo talagang umasenso, simulan mo sa sarili mo. Mag-aral ng mga bagong kaalaman tungkol sa pagpapayaman gaya ng pag-iinvest at pagnenegosyo.

7. Wala kang bilib sa sarili mo na kaya mong yumaman

Kung hindi ka naniniwala sa sarili mo, sino pang maniniwala sayo?! Maniwala ka na kaya mo, ka-Noypi!

Kung nagawa ng iba na magbago ang estado ng buhay nila at naiahon nila ang sarili sa kahirapan, wala ring dahilan para sabihin mong hindi mo kaya.

Ang pagyaman ay nagsisimula sa “bilib” mo sa iyong kakayahan at kung paano mo ito isinasabuhay upang maisakatuparan ang iyong pangarap na yumaman.

8. Natatakot kang mag-fail kaya 'di ka sumusubok

Kung nais mong yumaman, handa ka dapat na mag-fail o magkamali dahil parte lamang ito ng tagumpay na iyong hinahangad.

Tandaan, walang tuwid na daan o “shortcut” patungo sa tagumpay. Dadaan at dadaan ka talaga sa mga “failures” at “struggles” lalo na kung nagsisimula ka palang.

Kaya naman huwag kang matakot na sumubok sa mga bagay na magpapayaman sayo gaya ng pag-iinvest at pagnenegosyo.

‘Wag matakot na madapa at magkamali, ang importante ay natututo tayo sa ating pagkakamali at itinatama ito para sa ating ikakatagumpay.

9. Walang gumagabay sayo sa mga dapat mong gawin

Hindi ka pa rin mayaman ngayon dahil maaaring walang gumagabay sayo sa mga dapat mong gawin para yumaman. Maghanap ng taong maaaring gumabay sayo lalo na sa usaping pinansyal o paghawak ng kaperahan.

Maaari ding magsaliksik ng mga kaalaman tungkol sa pag-iinvest at pagnenegosyo sa internet. Sa kasalukuyang panahon ay napakadali ng makakuha ng mga sapat na impormasyon na makakatulong sayo para yumaman.

Ngunit kailangan mong kumilos ka-Noypi at gawin ang mga kinakailangang aksyon para maabot mo ang iyong inaasam na tagumpay.

10. Ayaw mo talagang yumaman!

Sinadya kong ihuli sa listahan ito, dahil balewala ang lahat ng nasa itaas na mga dahilan, kung ito talaga ang iyong dahilan kaya di ka yumayaman!

Hindi ka pa rin yumayaman hanggang ngayon dahil “Ayaw” mo naman talagang yumaman. May mga tao talagang sadyang may panata o yung tinatawag na “vow of proverty” gaya ng mga relihiyosong tao.

Ngunit tandaan mo rin na hindi masamang maghangad ng yaman, lalo na kung ang layunin nito ay naaayon sa kalooban ng diyos at para sa kabutihan ng iyong kapwa at pamayanan.

***

Mag-subscribe sa Dizkarteng Noypi blog

Nagustuhan mo ba ang artikulo natin ngayong araw? Mag-subscribe sa Dizkarteng Noypi blog para makatanggap sa iyong email ng mga bagong artikulo na makakatulong sa paglago ng iyong buhay-pinansyal. =)

To subscribe, CLICK HERE

Read Also:

-10 Tips Sa Pagsasaayos Ng Ating Buhay-Pinansyal

-7 Hakbang Para Sa Pinansyal Na Kalayaan

-Top 6 Ugaling Pinoy na Pumipigil Sa Pag-asenso

(Photo Credit : NohoDamon)

***

P.S.1  Join Dizkarteng Noypi's private email list & receive latest investing articles & inspiring stories directly to your email. SUBSCRIBE NOW!

P.S.2  Attend FREE Financial Literacy Seminar & 1-on-1 Coaching to be conducted by IMG-Truly Rich Maker team led by Bro. Bo Sanchez! to register, sign up HERE.

P.S.3  Do you want to Gain Financial Wealth & Spiritual Abundance at the Same Time? Join Us at the TrulyRich Club! I joined the TrulyRich Club. It was one of the best decisions of my life. Founded by Bo Sanchez, its purpose is to "help good people become rich".

Because of the guidance I get from the Club, through Stocks Update, I'm now investing in the Stock Market each month! I'm inviting you to join the club too. If you're interested, visit the TrulyRich Club now! at www.TrulyRichClub.com

Madiskarte ka ba? Subscribe na!!!