Welcome ka-Noypi!
‘Di lingid sa ating kaalaman na tayo ay nasa Information-Age na, kung saan ang araw-araw natin ay umiikot na sa mundo ng teknolohiya at impormasyon na makikita sa mga digital media.
Halos iilan na lang siguro sa atin ang walang account sa mga social media gaya ng Facebook, Twitter, Instagram, Youtube at iba pa. Kung wala kang account sa isa man lang sa mga ito ay tila ba “napag-iiwanan” ka na ng panahon. Tama ba? =)
Sa henerasyong ito, para bang hindi magiging kumpleto ang araw mo kung hindi ka makakapag-update sa iyong mga social media accounts.
At dahil sa panahon ngayon na ang lahat ay nakatambay na sa online world, isang magandang pagkakataon din ito para sa mga Pinoy na magkaroon ng isang internet-based business at kumita ng malaki kahit nasa bahay lang kasama ng iyong pamilya.
Isang uri ng internet business na maaari mong umpisahan ay ang pagbenta ng mga information products gaya ng e-books. Bukod sa maliit lamang ang puhunan dito, ay napakalaki din ng potensyal na pwede mong kitain sa ganitong negosyo.
